Маркетингот во денешно време е многу важна работа во светот. Како се продавате себеси како компанија и вашиот производ е можеби и едно и најважните работи за создавање успешен бренд или за пренесување одредена порака. Истото важи и за книгите, библиотеките, фондациите за поттикнување на писменост и читање, издавачките куќи и сè што е поврзано со книгите и книжевноста.

Најдов 11 многу интересни реклами од различни држави создадени од книжарници, библиотеки, фондации, а има дури и една за ресторан кој се наоѓа во библиотека. Погледнете ги рекламите, навистина се прекрасни, креативни и интересни.

1. Фондација за писменост  – Канада (Literacy Foundation)

Во соработка со маркетинг агенцијата Bleublancrouge од Монтреал, Фондацијата за писменост во 2008 година направила кампања за подигнување на свеста кај родителите за поттикнување на своите деца да читаат книги.

 

2.  Биенале на книги на Перамбуко – Бразил (Book Biennial of Pernambuco)

Маркетинг агенција Coletivodedois во 2009 година направи постер за биеналето за книги во Перамбуко. Слоганот на кампањата е: „You are what you read”, односно „Ти си тоа што читаш“, со цел да го промовира настанот.

3. Личен проект – Њујорк (Personal project)

Овој постер е дел од личен проект на дизајнерот Џејк Робертс, кој сакал да се предизвика себеси и да се обиде да направи ваков постер за да може да се доближи и до поинаков тип на клиенти, во случајов издавачки куќи, книжарници и сл. Постерот ја дава пораката: Да ја победиме неписменоста!

4. Ливронаута: Стрипови и стари книги – Бразил ( Livronauta: Comics and Old Books)

Во соработка со маркетинг агенцијата Yeah! од Бразил, книжарницата за стрипови и стари книги „Ливронаута“, во 2012 година ја лансираше оваа реклама, чиј главен слоган е: „Најголемата трагедија во делата на Шекспир е тоа да ги гледаш неговите книги заборавени на полиците.“

5. П. П. МекГинис – Австралија (P.P. McGuinness )

Издавачката куќа П.П. МекГинис во 2009 година во соработка со агенцијата Whybin TBWA (која воедно добива и награда за постерот и рекламата) промовираат распродажба на приватната бибилотека на издавачката куќа.

6. Книжарница „Pulp Books” (Pulp Book Stores – South Africa)

Книжарницата „Pulp Books”, под капата на агенцијата Lowe and Partners, во 2010 година ја издаде оваа реклама во дневните весници во Јужна Африка, со цел да ја промовира својата дејност и да ја промовира книжарницата.

7. Colsubsidio – Размена на книги – Колумбија (Colsubsidio Book Exchange)

Љубителите на библиотеки многу добро ја знаат магијата на постојаното разменување книги. Но, како да ги натерате останатите да ја сфатат оваа магија? Colsubsidio Book Exchange заедно со агенцијата Lowe/SSP3 во 2012 година ја направиле оваа кампања со слоганот: „Дојди со приказна и замини со друга“. Покрај долунаведениот постер, имаат и верзија со Шерлок Холмс. Петар Пан, Алиса во Земјата на чудата, итн…

8.  Книжарница „Анаграм“ – Чешка (Anagram Bookshop)

Во 2010 година, со цел да се испромовира себеси, книжарницата „Анаграм“ која е лоцирана во Прага, со помош на агенцијата Kaspan ја создадоа оваа прекрасна реклама и кампања која го носи слоганот: „Зборовите создаваат светови.“

9.  Книжарница „Mint Venetu“ – Литванија (Mint Venetu Bookstore)

Во 2011 година, книжарницата „Mint Venetu” од Литванија се здружува со агенцијата Love Agency за да направат рекламна кампања за книжарницата. Слоганот е: Become Someone Else, Pick Your Hero at Mint Venetu.

10.  Ланец на книжари „Steimatzky“ – Израел (Steimatzky Books)

Еден од најстарите и најголемите ланци на книжарници кој доаѓа од Израел, во соработка со агенцијата  ACW Grey Tel-Aviv, во 2013 година направи одлична рекламна кампања која ја носи пораката дека вистинската книга секогаш ќе ви прави друштво, додека во рекламите на читателите друштво им прават Сталин, Гандалф, итн…

11.  Ресторан „Mo’men” – Египет ( Mo’Men Restaurant)

Ланецот на ресторани Mo’men кој отвори свој ресторан во библиотеката Александрија во Египет, во 2012 година направи реклама со агенцијата DDB Cairo за да го промовира ресторанот. Одлична идеја да се спојат книгите и јадењето, заедно со слоганот: „Вкуси го твоето знаење!“