Секому е потребна мала доза инспирација, а сите знаеме дека книгите и писателите секогаш наоѓаат начина да нѐ инспирираат.

Случајно најдов еден инфографик со 50 инспиративни мисли од книжевноста, па решив да го споделам со вас, бидејќи секој ден ни е потребна дневна доза инспирација, па овој инфографик нека биде вашата дневна доза! Инфографикот е на англиски јазик, но пред да го погледнете инфографикот, можете да ги видите мислите и преведени на македонски јазик.

Уживајте!

~ Љубов ~

~ „Животот нѐ научи дека љубовта не се состои во тоа да гледаме еден во друг, туку заедно да гледаме во истата насока.“ – „Ветер, песок и ѕвезди“, Антоан де Сент – Егзипери

~ „Ако треба да живееме илјада животи, би сакал да бидеш моја во секој еден од нив.“ – „Еволуцијата на Мара Дајер“, Мишел Ходкин

~ „Од што и да се направени душите, мојата и неговата се исти.“ – „Оркански височини“, Емили Бронте

~ „Кој човек е сиромашен кога е сакан?“ – „Жена без значење“, Оскар Вајлд

~ „Сите денови се ноќи се додека не те видам тебе/А ноќите се јасни денови кога соновите ми те прикажуваат.“ – „Сонет 43“, Вилијам Шекспир

~ Минато ~

~ „…погрешно е тоа што го велат за минатото, еве и јас учев како да го закопам. Минатото секогаш наоѓа начин како да ископа излез.“ – „Ловец на змејови“, Халед Хосеини

~ „И така пловиме понатаму, како бродови наспроти струјата, непрестајно враќајќи се кон минатото.“ – „Големиот Гетсби“, Ф. Скот Фицџералд

~ „Сегашноста го менува минатото. Кога гледаш назад, не го наоѓаш она што си го оставил зад себе.“ – „Наследството на загубата“, Киран Десај

~ „Не можам да се вратам на вчера, затоа што тогаш бев друга личност.“ – „Алиса во Земјата на чудата“, Луис Керол

~ „Минатото е туѓа држава: таму ги прават работите на поинаков начин.“ – „Посредникот“, Л.П. Хартли

~ Среќа ~

~ „Среќа. Едноставна како чаша чоколадо или измачувачка како срцето. Горчлива. Слатка. Жива.“ – „Чоколадо“, Џоана Харис

~ „Ако повеќето од нас повеќе ја ценеа храната, среќата или песната, наместо златото, светот ќе беше многу повесел.“ – „Хобитот“, Џ. Р. Р. Толкин

~ „Среќата не е предмет кој треба да се освои. Таа е квалитет на мислата, состојба на умот.“ – „Ребека“, Дафне ду Мариер

~ „Среќниот живот не се состои од отсуството, туку од совладувањето на тешкотиите.“ – „Наједноставниот начин да бидеш среќен“, Хелен Келер

~ „Мислам дека не постојат граници за тоа колку можеме да направиме животот да изгледа дека е прекрасен.“ – „Се’ е просветлено“, Џонатан Сафран Фоер

~ Патување ~

~ „Целата поента на патувањето не е да стапнеш на туѓа земја, туку на крајот кога ќе стапнеш на твојата земја, да имаш чувство дека си стапнал на туѓа.“ – „Загатката на бршленот“, Џ. К. Честерстон

~ „Нашите измалтретирани куфери беа повторно насобрани на тротоарот. Имавме подолги патови за одење. Но, без разлика на сѐ: патот е живот.“ – „На пат“, Џек Керуак

~ „Патувањето е фатално за предрасудите, нетолерантноста и тесноградоста.“ – „Невиноста во странство или напредокот на новите аџии“, Марк Твен

~ „Не постои странска земја; единствено тој што патува е странец.“ – „Измамниците од Силверадо“, Роберт Луис Стивенсон

~ „Да се разбудиш сам во чуден град, е една од најпријатните сензации на светот.“ – „Багдадски скици“, Фреја Старк

~ Знаење~

~ „Ниту еден крадец, без оглед на тоа колку е талентиран, не може на човека да му го украде знаењето и затоа знаењето е најдоброто и најсигурното богатство кое човек може да го поседува.“ – „Изгубената принцеза од Оз“, Л. Френк Баум

~ „Знаењето е моќ. Моќ да се прави зло…или моќ да се прави добро. Моќта сама по себе не е злобна. Па така и знаењето само по себе не e злобно.“ – „Предани“, Вероника Рот

~ „Знаењето, како и воздухот, е клучно за живот. Исто како и воздухот, никому не треба да биде одземено.“ – „О за одмазда“, Алан Мур

~ „Треба да запаметиш, пријателе, дека знаењето е посилно од помнењето, а ние не треба да му веруваме на послабиот.“ – „Дракула“, Брам Стокер

~ „Колку малку знаеме за работите кои треба да се знаат.“ – „За кого бијат камбаните“, Ернест Хемингвеј

~ Постоење ~

~ „Хари, нашите одлуки покажуваат кои сме, многу повеќе од нашите способности.“ – „Хари Потер и Одајата на тајните“, Џ. К. Роулинг

~ „Кога се стремиме да станеме подобри отколку што сме, сѐ околу нас исто така станува подобро.“ – „Алхемичарот“, Паоло Куељо

~ „Нема ништо нечесно во тоа да ја изгубиш трката. Нечесно е тоа да не се натпреваруваш од страв дека ќе ја изгубиш трката.“ – „Уметноста на тркање на дождот“, Гарт Стајн

~ „Ако трагаш по совршенство, никогаш нема да бидеш задоволен.“ – „Ана Каренина, Лав Толстој

~ „Животот ми изгледа прекраток за да негувам нетрпеливост или за да запишувам грешки.“ – „Џејн Ер“, Шарлот Бронте

~ Пишување ~

~ „Не постои поголема агонија од тоа во себе да чуваш нераскажана приказна.“ – „Знам зошто птицата во кафез пее“, Маја Ангелоу

~ „Најголемиот непријател на креативноста е сомневањето во самиот себе.“ – „Необјавените дневници на Силвија Плат“, Силвија Плат

~ „Мораш да бидеш опиен од пишувањето, за да не те уништи реалноста.“ – „Зен во уметноста на пишувањето“, Реј Бредбери

~ „Зборовите можат да бидат како рентгентски зраци ако знаеш да ги употребуваш правилно. Тие можат да поминат низ сѐ. Читаш и продупчен си.“ – „Храбар нов свет“, Олдос Хаксли

~ „Ако пишувам, можам да избришам сѐ. Моите таги исчезнуваат, а мојата храброст повторно се раѓа.“ – „Дневникот на Ана Франк“, Ана Франк

~ Успех ~

~ „Ако се обидеш и не успееш, тогаш тоа не е твоја вина. Но, ако не се обидеш, а ние изгубиме, тогаш тоа е твоја вина.“ – „Играта на Ендер“, Орсон Скот Кард

~ „Дали ќе успееш? О да, секако, секако! Гарантирано со 98 и 3/4 проценти!“ – „О, местата на кои ќе одиш!“, Др. Сус

~ „За да бидеш успешен потребни ти се пријатели, а за да бидеш многу успешен потребни ти се многу непријатели.“ – „Другата страна на полноќта“, Сидни Шелдон

~ „На крајот на краиштата, успехот сака сведоци, но неуспехот не може да постои без сведок.“ – „Краткиот чудесен живот на Оскар Вао“, Џуно Дијаз

~ „На луѓето не им е потребна љубов. На луѓето им е потребен успех во една или друга форма.“ – „Фактотум“, Чарлс Буковски

~ Живот ~ 

~ „И така ти е тоа.“ – „Кланица 5“, Курт Вонегат

~ „Светот е тркало и на крај сѐ ќе заврши добро“, „Ендимион“, Бенџамин Дизраели

~ „Можеби не отидов таму каде што планирав да одам, но мислам дека завршив таму каде што требаше да завршам.“, „Долгото време за црн чај на душата“, Даглас Адамс

~ „Некои бесконечности се поголеми од други бесконечности.“ – „Грешката во нашите ѕвезди“, Џон Грин

~ „Зафати се со живеење или подготви се за умирање.“ – „Различни времиња“, Стивен Кинг

~ Смеа ~

~ „На овој свет не постои ништо понеодоливо заразно од смеа и добар хумор.“ – „Божиќна приказна“, Чарлс Дикенс

~ „Земјата се смее во цвеќиња.“ – „Хаматреја“, Ралф Валдо Емерсон

~ „Животот вреди да се живее сѐ додека има смеа во него.“ – „Ен од Грин Гејблс“, Л.М. Монтгомери

~ „Смеата е отров за стравот.“ – „Игра на тронови“, Џорџ Р. Р. Мартин

~ „Смеј се сега, плачи подоцна.“ – „Тревата е секогаш позелена над септичниот тенк“, Ема Бомбек

Погледнете го и инфографикот: