Пред извесно време, на блогот зборував за најавите за оживување на феноменталната книга на Булгаков, „Мајсторот и Маргарита“, на „штиците што живот значат“ во МНТ.

Според сите најави и зборувања по премиерата, заклучокот е дека се работи за вистински театарски спектакл и едноставно не смее да се пропушти!

Во меѓувреме, заради фактот дека „Мајсторот и Маргарита“ повторно доби актуелност и е предмет на дискусија и зборување, решив денешниот блог-пост повторно да го посветам на оваа безвременска книга.

Се работи за кратко, двеминутно видео, кое е своевиден трејлер за книгата. Видеото е изработено во 1997 година, од страна на Светлана Петрова и Наталија Березоваја, две студентки кои во тоа време решиле да се обидат да остават свој печат и да допрат до делата на Булкагов.

„Мајсторот и Маргарита“ е предизвик за секој оној кој сака да ја оживее оваа приказна. Постојат најмалку 5 филмови, 2 телевизиски серии, театарски претстави ширум светот, балетски претстави, опери и дури и графички книги.

Оваа книга никогаш нема да престане да инспирира други уметници!

Погледнете го видеото и задолжително набавете си карти за следната претстава.