Денешниот дождлив ден е совршен за седење дома, пиење кафе и читање прекрасна македонска поезија. Денес ја издвоив „Ќе те сретнам по многу лета“ од Ацо Шопов, една прекрасна, меланхолична поема во која верувам дека ќе уживате.

Ќе те сретнам по многу лета – Ацо Шопов

Ќе те сретнам по многу лета
По многу премрежја и дни
Снежен повит в коси ќе ми цвета
Снежно-бела ќе бидеш и ти.

Без возбуда, без болка без трепет
Ќе ме плисне твојот леден сјај
И срцето завеано в пепел
Рамнодушно ќе прошепне – крај.

Сал можеби на лицето бледо
Горчлив осмев ќе се јави пак:
На чувствата изгаснати – сведок
На страстите истлеани – знак.