Деновиве во градот Касел во Германија се појави едно прекрасно здание кое ги воодушеви љубителите на книги ширум светот. Марта Минухин, аргетинска уметница, создаде реплика на Акрополисот во Атина која е составена исклучиво од 100.000 забранети книги.

Таа веќе некое време ги повикувала луѓето да донираат цензурирани и забранети книги за да ги употреби за овој проект. Она што сега се нарекува „Партенонот на книгите“ се наоѓа точно на истото место на коешто нацистите запалиле и изгореле 2000 книги, како дел од нивната кампања против еврејски писатели и анти-фаштисти. На истото место постоела и библиотека која за жал била уништена во еден од нападите на сојузниците, при што изгореле околу 35.000 книги.

Природно, ова е совршеното место за издигнувањето на книгите кои исчезнале. Зошто ова здание е наречено Партенон? Поради тоа што Партенонот е храм за кој може да се каже дека претставува своевиден столб на демократијата. Во една од своите изјави таа рекла дека оригиналниот Партенон ја претставува естетиката и политичките идеали на првата демократија.

Помеѓу книгите има наслови како „Фаренхајт 451“, „Дон Кихот“ и „Кодот на ДаВинчи“. Ова е дел од изложба која ќе трае до 17 септември 2017 година, а потоа книгите ќе бидат донирани на различни страни од светот.

Кој не би сакал да ја посети оваа убавина?

Подолу погледнете го и видеото кое го објави Conde Nast Traveler: