Во чест на овогодинешниот добитник на Златниот венец на Струшките вечери на поезијата, полскиот поет Адам Загајевски, денес на блогот можете да прочитате една прекрасна поема (мојата омилена од него) која со сигурност ќе ви го разубави денешниот понеделник.

Доколку сакате да прочитате повеќе за Адам Загајевски, тоа можете да го сторите со кликање на линкот – тука.

Во туѓата убавина – Адам Загајевски

Само во туѓата убавина
има утеха, во туѓата
музика и во туѓите стихови.
Само кај другите има спас,
макар и самотијата да има вкус на
опиум. Не се пекол другите,
ако се здогледаат наутро, кога
чисто имаат чело, измиено од соништа.
Затоа долго мислам, каков
да употребам збор, тој или ти. Секое тој
е предавство на некое ти, токму
затоа во туѓиот стих верно
чека студен разговор.