Не престануваат предновогодишните книжевни настани, попусти и различни акции, ова е навистина одличен период за сите љубители на книги.

Денес, со почеток од 19:00 часот, во кафулето „Brown Sugar“ ќе се оддржи предновогодишна книжевна забава на „ТРИ“.

На официјалниот настан на Фејсбук, тие велат:

„Крајот на уште една убава и успешна година и влезот во 20-тата година од нашето постоење сакаме да го посветиме на оние што ја прават приказната за ТРИ толку посебна – а тоа е нашето големо семејство на автори и читатели.
Среќни сме што сме куќа на успешни автори кои постојано, на свој начин, ги менуваат животите и световите на многумина. Благодарни сме за огромниот број читатели што постојано нè следат и нè мотивираат да трагаме по нови приказни и префинети авторски дела.
Бидејќи нашите средби најчесто се преку книгите, овој пат решивме барем накратко книгите да ги тргнеме настрана и да направиме средба – во живо.“

Доколку сте читател и љубител на книгите издадени од „ТРИ“, упатете се денес во „Brown Sugar“.

 

 

*сликата е преземена од официјалниот настан на Фејсбук