Како што можеби веќе знаете, ентузијастите од групата на Фејсбук наречена „Размена на книги и книжевни муабети“, често организираат книжевни собиранки на кои љубителите на книги можат да се соберат, да си разменат книги и да разговараат на различни теми (најчесто околу книги се разбира). Овие собиранки добија голема популарност и веќе се одржуваат во повеќе градови низ државата, а викендов ќе се одржи и една таква во Скопје.

Во сабота (2 ноември), со почеток од 19:30 часот, во „Гастротека Сиеста“  ќе се одржи есенската размена на книги и книжевни муабети.

Добродојдени се сите кои сакаат да разменат книги по своја желба и видување, водејќи се според правилото „Книга за книга“, но и оние кои само сакаат да се дружат со други љубители на книги и да разговараат на различни теми од областа на книжевноста.

Извор: Официјалниот настан на Фејсбук