Јосип Коцев во последните неколку години е еден од најистакнатите македонски поети кој со својот посебен стил и уникатност стекна многу читатели и почитувачи на неговите стихови кои често се споделуваат.

Токму затоа и за поздравување е информацијата дека Домот на култура „Кочо Рацин“ од Скопје, оваа година наградата „Бели мугри“ за млад автор дo 35-годишна возраст реши да му ја додели токму нему за поетскиот ракопис „Музеј на чувствата“.

Книгата свечено ќе биде промовирана на 20 декември во 19 часот на  традиционалната годишна манифестација „Денови“ кој воедно е посветена на раѓањето на поетот Кочо Рацин.

Добитникот на наградата е избран од комисијата составена од: Славчо Ковилоски (претседател) и членовите Васил Тоциновски и Јованка Христовска.

Уметникот Дарко Алексовски ќе биде задолжен за графичкото решение за корицата на наградената книга.

Јосип Коцев досега ги има издадено стихозбирките: „Јас, Квентин Скриблер“ (2015), „Напишана тишина“ (2016) и „Сега е најдолгото никогаш“ (2018).

Искрени честитки!

Извор.