И покрај тоа што блогот се вика „Кафе и книги“, сепак покрај кафе, понекогаш и чајот навистина одлично оди со книга, особено во овие студени денови кои веќе сериозно го фатија во својот замав.

Па така, доколку сте расположени за оваа комбинација, ви препорачувам во следните неколку денови да го посетите „Веро центар“, каде до 9 декември ќе се случува „Фестивал на чај и книга“.

Љубителите на книги ќе имаат можност да си ја збогатат домашната библиотека со нови наслови од неколку наши издавачки куќи („ТРИ“, „Арс ламина“, „Култура“, „Просветно дело“ и „Ѓурѓа“) додека истовремено пробуваат различни типови на чаеви!

Покрај тоа, на 7 декември во периодот од 12:00 – 14:00 часот, ќе има и интересна програма и катчиња. За повеќе информации околу настанот, посетете го официјалниот настан на Фејсбук.

Се гледаме таму!