Го имаме годинешниот добитник на наградата „Роман на годината“ која ја доделува Фондацијата „Славко Јаневски“! Станува збор за романот „Денот на црвот“ од писателката Симона Јованоска, во издание на „Или-Или“. Ова е 23. пат како се доделува оваа награда, а победникот беше избран од вкупно 39 книги кои беа во конкуренција.

Жири-комисијата годинава беше составена од: Владимир Јанковски, претседател и минатогодишен лауреат (ја доби наградата за „Скриени желби, немирни патувања“), Катица Гароска-Ацевска, Ермис Лафазановски, Лилјана Пандева и Катерина Богоева како претставничка на фондацијата „Славко Јаневски“.

Останатите финалисти беа: „Деса“ од Ивана Трајаноска („Арс либрис“), „Ноќите кога заспивавме во Помпеја“ од Давор Стојановски („Или-Или“) и „Ден за одмазда“ од Ивица Челиковиќ („Паблишер“).

Наградата „Роман на годината“ се состои од плакета, оригинална статуетка и паричен износ од 150.000 денари.

Честитки!

Извор.