Кога е вистинското време да започнеме да им читаме приказни на децата?

Дали треба да имаат добро развиен вокабулар за да ги разберат речиси сите зборови во книгата?

Одговорот е – апсолутно не! Читањето со децата започнува уште од детството, кога се јавува интерес да се прелистуваат книгите за бебиња. Фантастичен вовед во подоцнежното читање бајки е да му дозволите на вашето бебе да прелистува книги заедно со вас уште од рана возраст, гласно да му кажувате различни зборови и на тој начин да му помогнете да научи нови гласови и полесно да научи нови зборови. Ова ја стимулира нивната концентрација, но вие им го посветувате и вашето многу потребно фокусирано внимание.

(Извор на сликата: World Schools)

Кои вештини ги развиваат децата кога им читаме?

Една од најубавите карактеристики на човечкиот мозок е моќта на имагинацијата. Читајќи му на детето уште од најрана возраст, влијаете неговиот внатрешен свет да биде богат, неговата имагинација да се развие и неговото размислување да биде флексибилно и сложено.

Дополнително, со читање и заедничко толкување на прочитаното му помагате на детето подобро да го разбере светот во кој се наоѓаме, но и да се подготви за светот на возрасните како и за многу непредвидени ситуации во животот. Низ приказните детето полека се среќава со свет кој не е секогаш фер, свет во кој има и негативци, свет во кој е во ред да се погреши.

Исто така, слушајќи ве како читате, децата развиваат многу важна вештина, а тоа е трпение и концентрација да ги слушаат другите.

Погрижете се речиси секој ден на вашето дете да биде проткаен со мелодијата на зборовите и читањето и не се сомневајте дека читањето ќе стане природна и трајна животна навика, начин за одмор, но и исполнување на желбата за ново знаење.

Знаењето е моќ

Ако сакаме на своето дете да му ја пренесеме вредноста што најмногу ќе му помогне во животот, ќе му ја пренесеме желбата за ново знаење. Со спонтано и често читање многу лесно ќе успееме во тоа. Проценете го моментот кога детето е расположено и не правете го тоа со сила, но и не се откажувајте по само неколку неуспешни обиди. Бидете упорни да го натерате вашето дете да ги сака книгите. На тој начин школувањето, но и подоцнежните успеси во животот ќе бидат помалку трнливи.

Не престанувајте да читате заедно дури и откако детето ќе го совлада читањето

Сè додека проценувате дека вашето дете ужива во оваа заедничка активност, не ја занемарувајте. Дополнително, имајте на ум дека треба да поминат неколку години за да се префлите од читање за почетници до читање со целосно разбирање и дека вашето дете навистина има многу да научи од вас. И кога ќе станат доволно возрасни, добро е да продолжите да разговарате со децата за книгите, да ги прашувате што научиле и разбрале, да им ги пренесете вашите животни вредности и еден ден ќе добиете препорака за добра книга од нив.

Извор.