Џилијан Флин направи вистински бум на книжевната сцена изминативе години со нејзините хитови како „Ејми ја нема“ (Gone Girl), „Мрачни места“ (Dark Places) и „Остри предмети“. Таа е многу популарна и кај нас, особено меѓу читателите и читателките на трилери.

Освен тоа, нејзините дела се покажаа и како одлична основа за екранизации, па така „Ејми ја нема“ (Gone Girl) имаше неверојатно успешна екранизација во 2014 година со Бен Афлек и Розамунд Пајк во главните улоги, а „Мрачни места“ беше хит-серија на „ХБО“, со Ејми Адамс во главната улога, дури и ја имав и јас предложено на блогот. Поаѓајќи од овие успешни екранизации, Џилијан Флин и „ХБО“ ќе продолжат со успешната соработка, барем судејќи според екслузивната вест што ја соопшти магазинот „Варајети“, и ќе направат мини-серија заснована врз нејзиниот роман „Мрачни места“.

Флин ќе биде ко-креаторка, сценаристка и ги има правата на романот, бидејќи таа е авторката. Брет Џонсон и Герин Гарднер, исто така, ќе бидат ко-креатори и сценаристи, а . Тереза Канг и Керолин Гарити од „Blue Marble Pictures“ ќе бидат извршни продуценти заедно со Андреа Иерволино и Моника Бакарди од „Iervolino & Lady Bacardi Entertainment.“

Романот „Мрачни места“ веќе еднаш беше екранизиран, односно беше снимен филм со Шарлиз Терон во главната улога, но се работеше за помала продукција и филмот никогаш не доби некое големо внимание.

Романот е трилер, се работи за еден грозоморен масакар и едно уништено семејство. Либи Деј го преживеала масакарот на само седум години, а нејзиниот брат бил обвинет и осуден за масакрот, додека таа била клучен сведок. Години подоцна, минатото повторно оживува. Доколку сакате трилери, навистина ќе ве бендиса.

Сè уште нема детали за режисерот/режисерката, ниту пак за актерската екипа, но веројатно наскоро ќе дознаеме повеќе детали.

Извор.