На 14 април 1997 година починал Видое Подгорец, еден од најпознатите македонски современи писатели. Во чест на годишнината од неговата смрт, денес ја читаме и споделуваме песната „Убави зборови“!

Убави зборови – Видое Подгорец

Ај, да измислуваме убави зборови!
Еве вака:
Да биде радост наместо мака.

Сè што е насилно, свирепо грубо –
нека го носи името – љубов!

Вистина ставаме наместо лага
смеа и веселба наместо тага.

Болката нека е ведрина сега,
а сите војни да станат шега.

Црното нека си остане боја,
но, да не тежи во душата твоја…

Солзите – мака в срце што носат
нека се претворат во капки роса.

од стихозбирката „Мугри над тополите“ (1968 година)