Уметноста создадена од книги не е ништо ново, но е многу инспиративно. Пред одреден период постирав колекција од најразлични дела, форми и фигури создадени од стари книги. Денес повторно на тапет е уметноста со книги.
Шведската уметничка Сесил Леви пронашла начин како да ги искористи старите, уништени и избледени книги и стрипови кои ги имала дома. Наместо да ги фрли, таа решила да ги претвори во уметност.
Сесил Леви, чија работа порано била да укоричува книги, сега се наоѓа на спротивната страна, таа ги уништува за да создаде уметност. Многумина ќе се намрштат велејќи дека тоа е непочитување на книгите, но откако ќе ги видите ќе сфатите дека нејзините дела ја величат литературата.
Во 2009 година, таа најпрво почнала да експериментира со 3D објекти од хартија. Оттогаш таа постојано создава објекти како филџани, чизми и слични работи, преку кои книгите продолжуваат да живеат.
Доколку сакате да погледнете повеќе од нејините дела, погледнете ја нејзината веб страница.
Погледнете ги сликите:
Кафе и книги 